ብዛዕባ ወሲብ (ጾታዊ ርክብ) ምዝራብ
ወሲብ፡ ቅድምን ድሕሪኡን ደስ ዘብል ስምዒት ከሕድር ኣለዎ። ወሲባዊ ርክብ ምስ እትደሊ ብምስማዕን ምልላይ ምልክታትን ኣቓልቦ ክህልወካ ኣለዎ።
እቲ ካልኣይ ኣካል እንታይ ከም ዝደለየ ንምፍላጥ ርግጸኛ ምስ ዘይትኸዉን፡ እቶም ምልክታት ብልክዕ ተርጉምካዮም ከም ዘለኻ ንምርግጋጽ ሕተት። ኣይትገምት ድማ። ብግምት ምኻድ፡ እንተኸፍአ ኣንጻር ድልየት ናይቲ ካልኣይ ሰብ ስጉምትታት ናይ ምዉሳድ ሳዕቤን ይኸዉንን ናይቲ ሰብ ክብረት ክትግህስን ክትጎደእን ትኽእል። ከምዚ ምስ ዝኸዉን፡ ገበን’ዉን ትፍጽም ኣለኻ ማለት እዩ።
እቲ ካልኣይ ሰብ ከምይ ከም ዝተሰምዖ ንምፍላጥ፡ እቲ ዝሓሸ መንገዲ ምሕታት እዩ። እቲ ካልኣይ ኣካል እንታይ ከም ዝደልን ዝፈቱን ሕተት። ካልኣይ መንገዲ ድማ፡ ምንባብ ምልክታት ኣካላት፡ ኣብ ምልክታት ናይ ገጽ ምርኣይን ምስማዕ ቃናታት ናይ ድምጽን እዩ።
